Wenn d’Chind machid en Konfettischlacht
dänn isch wider einisch Strasse-Fasnacht
z’Littau hed d’Gruebe-Meile Hochbetrieb
en Mättli-Zünftler rüeft: Chumm und bliib
d’TVR-Männerriege hed es Beizli organisiert
so mänge isch det gärn ine gmarschiert
Berliner, Zigerchrapfe, Bier und «Holdrio»
au Kafi-Zwätschge oder Chrüter hed mer gärn gno
En paar sägid: Eis Bier, das langet mier
anderi konsumierid grad drü oder vier
Alli Männerriegler mit roter Schüübe und blauem Hut
schafid tifig, verchaufid schön und machids guet
am halbi Zähni wird ufgrumet, dänn s’Zält abbaut
und d’Kasse gsicheret, dass kei Gauner sie chlaut
